...

Remember, remember the fifth of november, the gunpowder treason and plot. Allir mundu eftir Guy Fawkes í gærkvöldi þar sem að allmargar flugeldasýningar voru haldnar honum til heiðurs. Við Herdís fórum á flugeldasýningu í Blackheath í gærkvöld með Aliyu og Duncan, kærastanum hennar. Eftir nokkuð tilkomumikla flugeldasýningu enduðum við í partýi hjá vinum Duncans. Meirihlutinn af viðstöddum voru vel menntaðir, middleclass Bretar, þannig að þetta var mjög skemmtileg mannlífsstúdía. Afskaplega ólíkt flestum partýum sem ég hef farið í (það var teflt!)

En fyrir þá sem ekki vita þá er Guy Fawkes frægur fyrir að hafa næstum tekist að sprengja upp alþingi Breta á 16. öld. Hann var kaþólikki og var að móltmæla mótmælendum.. Það komst upp um plottið hans því að einn af þeim samplotturum hans (sem var líka kaþólikki) vorkenndi þeim kaþólikkum sem myndu vera í alþinginu svo mikið að hann sendi þeim bréf til að vara þá við. Það þarf nú ekki að hafa mörg orð um það hvar bréfið endaði.. Allavegana komst upp um þá alla og Guy var hanged, drawn and quartered. Það var ekki falleg meðferð.. 

Í kvöld fórum við í Prince Charles´s Cinema og sáum Leben des Anderes. Það var mjög góð mynd en upplifunin af þessu bíói mun lifa lengur en myndin sem var í því. Þetta er gamalt leikhús, með leiktjöldum og alles. Fyrir sýninguna var spiluð klassísk tónlist og þegar myndin byrjaði vöru leiktjöldin dregin frá! Það kostar kúk og kanil í bíóið, frá 1,50 pundum upp í 4,50 (180kr - 500 kr.) Eftir það fórum við og fengum okkur að borða. Þar smakkaði ég fyrst custard sem er ekta bresk vanillusósa, ekkert obboðslega góð.. 

Í augnablikinu sit ég heima hjá Aliyu og horfi á Ghost með öðru auganu. Á morgun er voða lítið planað, utan það að við þurfum að hitta Alf því að hann er víst með símann hennar Herdísar. Kannski við skreppum til Greenwich Park og skoðum okkur um þar. Það er nefnilega svo skemmtileg lestarferð þangað. Þá fer maður í gegnum hafnarhverfið með lest sem heitir Docklands light railways. Þetta er hluti af neðanjarðarlestakerfinu en út af því að þessi lest fer í gegnum hafnarhverfi og mýrar þá er hún ekki neðanjarðar heldur byggð upp á palli með góðu útsýni.  

 Svo er ég búin að kaupa mér ný gleraugu!